Нарны аймгийн үүсэл

Кант-Лапласын таамаг

1687 онд Исаак Ньютоны хөдөлгөөн болон таталцалын хүчний хууль хэвлэгдсэнээр физикийн шинжлэх ухаанд хувьсгал хийж, астрономын тооцоонд дэвшил авчирчээ. Гэвч дөнгөж 1755 онд Иммануил Кант нарны аймгийн үүслийн талаархи хамгийн анхны таамгаа дэвшүүлжээ. Уг таамагт мананцар дундаас жижиг хэсгүүд хоорондоо таталцан нэгдэж, улмаар томорсоор эцэстээ нарны аймгийг үүссэн гэдэг.

Нарны аймаг

Нарны аймаг нь нарыг тойрон эргэх 8 гараг, одоогийн байдлаар мэдэгдээд буй 160 гарагийн дагуул, тоо томшгүй астеройд болон тэдний дагуул, сүүлт од болоод бусад мөсөн биет, асар их орон зайг эзлэх хий, тоосонцроос бүрдэх систем юм.